|
AMIGOS DE L.K
kon las fyestas de agora resivi un livro eskrito por Moise Rahmani
ke salyo a la fin del mez de agosto i es Rosy Hemmo ke mo lo mando
kon la sinyatura de Moise.
Moise ya eskrivyo muchos livros i para munchos de mozotros lo
konosen ke es el Direktor de la revista LOS MUESTROS ke se topa en
Beljika, una revista eskrita tan en franses ke en judezmo.
Meldi este livro kon mucho intereso i vos kero avlar un poko del
sujeto de este livro ke el titolo se yama:
LETTRE A UN FRERE LETRA A UN ERMANO
el ermano es el PAPAS BENOIT XV1 ke mora en el Vatican a Roma.
al lugar de eskrivir una letra ke va mandar por la posta i ke ay
muchas posibilitades ke no resivi nunka esta letra porke antes ke
resive una letra el Papas, todo pasa al CONTROL de los papasikos no
desshan pasar todo, esta letra se iva topar al tchop sin ke ningunos
melda esta letra dunke eskrivyo un livro en franses i todo el livro
se adresa direktamente al PAPAS i sin entrar en todos los detalyos
para ke tengash la gana de meldar este livro es ke le esta
demandando deke desde 2000 anyos estash (los kristyanos)
kastigando a los djudyos del mundo entero por una falta ke no semos
kulpentes por una falta ke no izimos, por la muerte de Jesus i le
esta akodrando tambyen muchos evenemyentos para dar a entender de la
sal a la pimyenta ke el kristyanismo es el Baby/bebe del Judaizmo.
De otra parte le esta akodrando tambyen ke mizmo si el el Papas es
Aleman no es kulpante de la muerte de todos los djudyos durante la
SHOA;
Enfin le esta demandando antes ke sea muy tadre para el ke aga un
paso para ke los kristyanos del mundo entero sepan ke no semos
kulpentes de la muerte de Jesus i ke de todas las maneras Jesus
nasyo i muryo djudyo.
Ya savemos ke entremyentras el Papas izo un viaje en Evropa del Este
en Setembre 2007 i disho delantre la komunita Djudiya de este payis
ke los djudyos sufrieron mucho i empleo mizmo un biervyo ke asta
agora no aziya parte del vokobularyo kristyano ke la iglesya se
"ARREPENTYO" i es en la boka del Papas un biervo muy importante.
No mankesh de meldar este livro ke es muy interesante para mozotros
los djudyos.
SHABAT SHALOM I ANYADA BUENA A TODOS
BETTY SAUL DE PARIS |
